Stekkjastaur kíkti inn um gluggan hjá dætrunum í nótt eins og til allra góðra barna ekki satt. Kolla var nú voðalega skrítin á svipinn þegar ég kom inn til hennar. Hún og Áróra höfðu sett pokemon stígvél út i glugga og mjólk og smákökur handa jólasveininum í gluggann. Þegar ég kom svo sat hún með kallinn sem hún fékk í skóinn voða skrítinn á svipinn. Fékkstu svona fínt í skóinn spurði ég. Hún vildi nú ekki alveg viðurkenna það. Gaf jólasveinninn þér þetta? UUU ennþá meira af skrítnum svip. Þá sagði ég henni bara í stað þess að spyrja að jólasveinninn hefði gefið henni þetta í skóinn og þá varð hún kát með það og sagði já :-)
Annars lá nú við að hún fengi bara kartöflu í skóinn því hún vildi ekki fara að sofa og lét öllum illum látum!!! en hún slapp greinilega fyrir horn og fékk enga kartöflu.