LOKSINS LOKSINS :-)
Litla stóra stelpan okkar pissaði í koppinn. Fyrst kom oggu lítið piss og hún kallaði á mig (ég var frammi í eldhúsi) að sjá. Ég hrósaði henni mikið og við fórum að sturta pissinu niður í klósettið og hún fékk nammi að launum. Svo fórum við stuttu seinna upp að láta renna í baðið hennar (ég tók koppinn með) og eftir smá stund inn á baði með rennandi kranann þá þurfti hún að pissa. Hún settist á koppinn og pissaði alger hetja. Henni fannst þetta nú mjög merkilegt :-) Lá við að hún stingi nefinu ofan í bununa til að skoða. Við heltum þessu pissi líka í klósettið og Kolla sturtaði niður. Hún hringdi svo í pabba til að monta sig af því hvað hún hafði verið dugleg stelpa.
Svo fór hún í baðið og mmm það gekk ekki alveg eins vel. Ég fór með Ingu Maríu inn í Kollu herbergi að leifa henni að leika sér þar og að sækja náttföt á Kollu. Á meðan heyri ég rembingshljóp í Kollu. Ég fór til hennar og sagði hvað er Kolla að gera!!! Pissa í baðið sagði hún voða púkaleg á svipinn. EN nei þetta var sko ekki neitt piss heldur tvö væn stykki. Ég mátti því gjöra svo vel að kippa henni og dótinu hennar úr baðinu og þrífa baðið :-)
Svo í morgun pissaði hún aftur í koppinn þannig að nú vona ég að þetta sé bara að koma allt saman.