Jæja þá er fjögra daga helgi lokið hjá okkur (Matti var í fríi á föstudaginn). Rosalega er erfitt að vakna aftur og koma sér í rútínuna sína uuu geisp geips en það verður gott þegar maður er kominn af stað í rútínuna samt. Við erum búinn að hafa það voða notalegt um helgina. Við fórum í kringluna á föstudeginum. Fengum okkur að borða á Hardrock og svo verslaði ég mér brjóstahaldar og bók fyrir inneignarnóturnar mínar á samt en þá eftir 10.000 frá afmælinu mínu ætli það þíði að ég eigi að fara að drífa mig að léttast um eitt númer svo ég geti keypti mér buxur eða að ég eigi að sætta mig við að kaupa mér buxur í þeirri stærð sem ég er!!! Við fórum svo í rúmfatalagerinn og keyptum borð og stóla í garðinn okkar. Á laugardeginum komu mamma og pabbi hingað í kaffi og við borðuðum úti á nýja borðinu og sátum á nýju stólunum voðalega fínt. Klukkan 6 fórum við svo í útskriftarveislu til Óttars (manns Jónu Dóru systur Matta). Borðuðum fullt að kræsingum og kjöftuðum. Kolla var alveg í bananastuði í veislunni og söng og dansaði fyrir alla helst út á miðju gólfi. Á sunnudeginum lágum við í leti (sumir meira en aðrir!!) og eftir heilan dag af því er fjölskyldan yfirleitt orðin létt (eða ekki mjög létt) pirruð og því var einstaklega gott að komast út til Stellu og Ásgeirs í kvöldmat. Fílann fór af fjölskyldunni um leið og í bílinn var komið. Á mánudag fórum við í húsdýragarðinn. Veðrið var voðalega hlýtt og því fínt útiveður. Stelpurnar skemmtu sér þrælvel bæði að skoða dýrin og í klifri kastölunum. Þær fóru líka í þessa fínu coco puffs lest þar sem lestarstjórinn var enginn annar en Einar hennar Kibbu. Okkur fannst það nú pínu fyndið að sjá strák um tvítugt keyra hring eftir hring á 5 km hraða einhvernveginn ekki að sjá draumastarfið fyrir hann (fyrirgefðu Einar minn ef þú lest þetta þú stóst þig mjög vel :-)